प्रस्तावना

मला कविता करावीशी वाटते , पण जी कविता मला अभिप्रेत आहे , ती कधीच कागदावर अवतरली नाही . ती मनातच उरते , जन्माच्या प्रतीक्षेत ! कारण कधी शब्दच उणे पडतात तर कधी प्रतिभा उणी पडते .म्हणून हा कवितेचा प्रयास सतत करत असतो ...........
तिला जन्म देण्यासाठी , रूप देण्यासाठी ,शरीर देण्यासाठी ......
तिला कल्पनेतून बाहेर पडायचे आहे म्हणून ....

Saturday, 21 March 2026

अजून न उमजलेले


काय करावे, का करावे, कुणा सांगावे
शांततेतल्या स्वरांना कसे ऐकून घ्यावे...

मनात उठल्या प्रश्नांच्या लहरी अनामिक,
उत्तरांच्या किनाऱ्याला कसे स्पर्श करावे...

दिवस ओलांडती तसेच, अर्थ न उमजता,
क्षणांच्या या प्रवाहाला काय नाव द्यावे...

शब्द येती ओठांवर, पुन्हा विरून जाती,
भावनांच्या दारांना कसे उघडे ठेवावे...

गर्दीतही एकटेपण हळूच येऊन बसते,
स्वतःलाच मग स्वतःशी अलवार भेटवावे...

शोधता शोधता थकलो, सापडले नाही काहीच,
जरा थांबून या शांततेला कसे जवळ घ्यावे...

शनिवार, २१/३/२६ ,  १०:३०. PM
अजय सरदेसाई -मेघ

Posted by at

No comments:

Post a Comment

Subscribe to: Post Comments (Atom)