मी-तू..... आपण

मी व्यक्त होतो त्या उगवत्या सूर्यांतून,

उंचच उंच त्या डोंगर शिखरांतून;

खळखळून वाहणाऱ्या स्वच्छ नदीतून,

नी उमलणाऱ्या कोमल फुलांतून.

तू व्यक्त कर न मला प्रेमातून,

तुझ्या डोळ्यांत लुकलुकणाऱ्या तेजातून;

तू कळू दे न नाते आपले जगाला,

शब्दांतून उमललेल्या त्या कवितेतून.

चल भेटू आपण नभ–मेघांच्या मैत्रीतून,

पानवाऱ्याच्या त्या मोहक सळसळीतून;

पक्ष्यांच्या गोड किलबिलाटातून,

चल भेटू अलवार त्या  भावुक क्षणांतून.

गुरुवार, १२/३/२६, ३:५० PM

अजय सरदेसाई – मेघ