जीवन आणि मृत्यू चा खेळ हा अविरत चालणारा , न संपणारा आहे .खरा खेळ तर जिवा-शिवाच्या भेटीचा आहे . जीव हा सतत शिवाच्या भेटीस उत्सुक असतो . जन्म मृत्यूच्या चक्रा मध्ये त्यांची भेट होत असते आणि ते आपले अर्धवट राहिलेले आनंद गीत गातात.
हे सर्व चक्र एक अमृतानुभव आहे . ते शिव आणि माया ह्यांचं निरंतर नृत्य आहे . जेव्हा शिव नृत्य (तांडव) करतो तेव्हा मायेचा विलय (ह्रास) शिवांत होतो आणि जेव्हा मायेचं नृत्य सुरु असतं तेव्हा शिव निद्रेंत असतो .
चले रे सख्या आपले आनंद गाणे पुन्हा करु सुरु ।
चार घडी चा वियोग संपला पुन्हा करु आपले नृत्य सुरू ॥
तुझे नी माझे गीत पुराणे आळवु चल पुन्हा नव सुरांनी ।
पुनर्भेटी चा चल रे सखया आनंद साजरा करु ॥
ज्योती तू नि मी निरांजन ,मी शिष्य तू माझा सद्गुरू ।
चौदा भुवनांत हा खेळ आपुला सतत आहे सुरु ॥
जन्म मृत्यू च्या चक्रा तून हे नाते आपले सुरु ।
जिवा-शिवा ची ही कथा पुराणी शेवटून पुन्हा सुरु ॥
चले रे सख्या आपले आनंद गाणे पुन्हा करु सुरु ।
चार घडी चा वियोग संपला पुन्हा करु आपले नृत्य सुरू ॥
शनिवार , २/१२/२३ , १०:१० AM
अजय सरदेसाई (मेघ )
अजय सरदेसाई (मेघ )
No comments:
Post a Comment