गुज

कितीदा तुज पाहुनी मन माझे झुरावे

कधी तुला गुज माझ्या मनीचे कळावे

का तु समोर येता ओठ माझे मिटावे

का मुखातून माझ्या शब्द ही न फुटावे

का प्रितीच्या फुलाने आपल्या न फुलावे

का फुलण्या आधीच ते कोमेजून जावे

स्वप्नांत अलगद जशी येतेस तू अवचित

आयुष्यात ही माझ्या तू का न तसेच यावे

कितीदा तुझ्या आठवांचे क्षण येता

का डोळ्यांतून माझ्या आसवांनी झरावे 

प्रेमात तुझ्या मिळाले फक्त दुःख पदरी

का तरीही मी वेदनेस या बिलगून राहावे  

 

गुरुवार १८/७/२०२४ , ११:०६ PM

अजय सरदेसाई (मेघ)

(Inspired from the song "कितीदा नव्याने तुला" from the marathi movie "ती सध्या काय करते")