काही मागणे नाही देवा, फक्त एकदा तुला पाहायचे आहे,
जग सारे तुझी महती गाते, पण तू कोण, हे जाणायचे आहे।
जग सारे तुझी महती गाते, पण तू कोण, हे जाणायचे आहे।
तुझे नाव घेत फिरती सारे, पण तू भेटत नाही कुणाला,
या कोड्याचे उत्तर मला जाणायचे आहे।
देवळात शोधले तुला, शोधले मशिदीच्या दारी,
राहतोस नेमका कुठे तू, एवढेच जाणायचे आहे।
ना शब्दांत तू, ना मौनात तू — मग दोन्ही पलीकडे कुठे आहेस, हे जाणायचे आहे।
जेव्हा स्वतःला भेटलो, तुझीच चाहूल ऐकू आली,
आता तुला नव्हे, स्वतःला जाणायचे आहे।
रविवार, ३१/५/२०२६ , ९:०५ AM
अजय सरदेसाई -मेघ
No comments:
Post a Comment