तू भेटशी नव्याने

एकांती मन माझे , स्मरते तुझ्या आठवांना

प्रत्येक आठवांत त्या, तू भेटशी नव्याने

त्या उंच आसमंती, मन झेप घेई माझे

जणू उंच भरारी घ्यावी, पक्षांच्या थव्याने

क्षण एकच फक्त, डोळ्यांत तुझ्या गुंतलो

का मन मोहरून गेले,जणू सुगंधी मोगरीने

काहूर मनांत उठले,जणू वाहे बेभान वारा

अवचित बरसावे जसे,श्रावणातल्या सरीने

करू काय ते कळेना,मन काही केल्या वळेना

झेपावे जणू पुन्हा पुन्हा त्या ज्योतीवरी पतंगाने

 

गुरुवार   १५/०८/२०२४    १२:०० PM

अजय सरदेसाई (मेघ)