काही बोलायाचे आहे, काय बोलू कळत नाही,
नदीस नागमोडी वळणे, पण का? कळतं नाही।
इंद्रधनु पसरला या टोका कडुन त्या टोका कडे,
तो सप्त रंगीच का? ते अजुनही कळत नाही।
तो चकोर वेडा! चांदण्याचा तहानलेला!
ही तहान चांदण्याची काय? मज कळत नाही ।
श्रावणांत मेघ बरसतो बनांत नी पानांत,
मोरास ह्याचा घे मोठा आनंद, का ?कळत नाही ।
वैशाखात पाऊस बरसला, मातीत सुगंध दरवळला,
मन माझे का उमलून प्रसन्न झाले, खरंच कळत नाही ।
तो तृषित वैरागी एक, मी तहान फेडली,
माझेच मन तृप्त का झाले, कळत नाही।
हा कोण जाणता,अंतरात माझ्या दडला,
ज्यास सर्व उमगते, कळते! हे कळत नाही ।
मंगळवार, १/९/२६ , १०:०० PM
अजय सरदेसाई -मेघ
No comments:
Post a Comment