क्षणीक मृगजळाच्या मोहात पडतो,
क्षणीक सावल्यांच्या मोहात पडतो.
येणारा प्रत्येक नवीन क्षण अनोळखी,
तरीही मी मात्र त्याच्या प्रेमात पडतो.
रोज सकाळी सोनेरी क्षणांचा अर्क,
अलवार आयुष्याच्या प्याल्यात पडतो.
दिशा उजळल्या अमृत किरणांनी,
आयुष्याचा किलबीलाट कानांवर पडतो.
दूर क्षितिजावर स्वप्नांची किनार,
'मेघ' त्या क्षितीजावर रेंगाळत पडतो.
अजय सरदेसाई -मेघ
No comments:
Post a Comment