कविता बोलते इथे,शब्दांचा फक्त खेळ नाही.
सुरावट भिडते हृदयी,वाद्यांचा गोंगाट नाही.
कलाकार भाग कलेचाच,वेगळे अस्तित्व नाही.
शुद्ध प्रतिभा जाज्वल्य,प्रतिमांचा विटाळ नाही.
उधळतात रंग किरणे,मर्यादा कोणत्याच नाही.
अस्तित्व वाहते सर्वत्र,इथे दिशांचे लगाम नाही.
मौन ही बोलके जिथे,तिथे वाचा अनिवार्य नाही.
इंद्रिय विरहीत जाण इथे,शरिराचा हट्ट नाही.
फक्त साक्षी भाव इथे,अनुभवाचे अवसान नाही.
अजय सरदेसाई - मेघ
No comments:
Post a Comment