मराठी ग़ज़ल : ही रात्र चांदण्यांचा शालू लेऊन आली

मतला:
ही रात्र चांदण्यांचा शालू लेऊन आली।
ही रात्र मिलनाचा संकेत घेऊन आली।।

शेर २:
वाऱ्याच्या कुजबुजीत रातराणीचा गंध मिसळला।
मनातली आस पुन्हा उमलून आली।

शेर ३:
डोळ्यांत तुझ्या प्रेमाचा उन्मादही चढला।
जणु भरतीची लाट किनाऱ्याशी खेळून आली।।

शेर ४:
स्पर्शाने तुझ्या थरारले माझे सारे अंग।
नवी स्वप्नं घेऊन रात्र पुन्हा रंगून आली।।

मकता:
‘मेघ’ म्हणे ह्या क्षणांचा मोह जपुन जरा।
नवी पहाट अकल्पीत भेट घेवून आली।।

बुधवार, ३/९/२५ ,४:४१ PM
अजय सरदेसाई -मेघ