क्षण पुन्हा मिळणार नाही

   

 

मान्य,सौंदर्यास तुझ्या तोड नाही,

प्रेमास माझ्या ही प्रिये,जोड नाही.

 

तो तिरपा कटाक्ष तुझा थेट काळजात रुतला,

म्हणे तुला हृदय घायळ करण्याची,खोड नाही.

 

तुझे स्मित जणू खळखळणारा झरा,

का म्हणतेस उगाच, तू गात नाही.

 

डोळ्यांची भाषा आहे अवगत मला,

का वाटले तुला,मला ते कळणार नाही.

 

चल भेटू चांदण्यात जोवर चंद्र गगनात आहे,

कदाचित हळुवार क्षण हे पुन्हा मिळणार नाही.

 

सोमवार, ४/७/२५ , १२:३० PM

अजय सरदेसाई -मेघ